دليلك الشامل للدخول لعالم التسويق الرقمي (Digital Marketing)

مقدمة عن التسويق:

لا يخفى على أحد أننا في مرحلة التحول الرقمي، كل حاجة حوالينا بتتحول بالتدريج للنسخة الرقمية منها (Digital Form) وكتير مننا يسمع عن التسويق الرقمي وإنه من المجالات الواعدة في المستقبل، بس لما بتيجي تدخل المجال أو تحاول تدرسه مش بتوصل للنتيجة المرغوبة وفي الآخر بتقرر تسيبه وتنقل لحاجة تانية رغم شغفك واهتمامك بصناعة التسويق، المقال ده هيديك مفاتيح وفهم وتصور مبدأي عن التسويق الرقمي أو الديجيتال ماركتنج (Digital Marketing)، بس قبل ما نبدأ خلينا نعرف الأول يعني ايه تسويق وايه دوره؟

التسويق له تعريفات كتير جدا ولكن خلينا نركز على واحد من أهمهم وهو إضافة قيمة (Value) للمنتج أو الخدمة أو الفكرة (Product, Service, or Idea) عشان أقدر أقنع العميل أو الزبون (Customer or Client) إنه يختار يشتري القيمة دي ومش بس كده ده كمان يرجع لك بعد كده ويشاور عليك لغيره (Word-of-Mouth).

يبقى مبدأيا كده أنت لا بد تحدد القيمة اللي أنت بتقدمها، وتحدد العميل أو الزبون الصح ليك وتحدد شكله ومواصفاته وحياته وتحاول ترسم ال (Target Persona) الخاصة بيه، وتحدد قناة التواصل (Communication Channel) هتقدر توصله من خلالها يعني مثلا السوشيال ميديا ولو عن طريق السوشيال ميديا فيهكون أنهي منصة أفضل (فيسبوك ولا تويتر ولا لينكدان ولا يوتيوب ولا …) أو مثلا هتعمل إعلان على التلفيزيون والراديو أو عن طريق المراسلات البريدية أو غيرها من قنوات التواصل المحتمل يكون ال customer بتاعك عليها.

وعشان منطولش في فهم مفهوم التسويق بشكل عام فأنا برشحلك تقرأ كتاب ماركتنج م الآخر لحسام حسن وتقدر تشوفه مجانا من هنا وهو هيديك صورة عامة عن الاستراتيجيات التسويقية وشرح الإعلان وكيفية وضع أهداف الإعلانية (Objectives & KPIs) وفهم مبادئ العلاقات العامة والبيع الشخصي والتسويق الرقمي وغيرها من محتوى الكتاب القيم.

ودلوقتي خلينا نرجع لموضوعنا الأساسي التسويق الرقمي أو الـ (Digital Marketing) وزي ما اتفقنا هو جزء من العملية التسويقية وبيضم تحت منه أقسام كثير وكل قسم منهم ليه أهميته والمصادر اللي نتعلمها منه، هنتكلم عن 5 من أهم أقسام في التسويق الرقمي وهنرشح مصدر أو أكتر للتعلم منه.

أقسام التسويق الرقمي أو ال (Digital Marketing) واقتراحات لمصادر:

1. التسويق عبر مواقع التواصل الاجتماعي (Social Media Marketing):

مواقع التواصل الاجتماعي كتيرة جدا وممكن تاخد فكرة عنهم من هنا بس طبعا خلينا نتكلم عن أشهرهم وهم الفيسبوك وتويتر وانستاجرام ويوتيوب. كل منصة من دول ليها أكاديمي خاصة بيها واللي بتوفر من خلالها Tutorials لطيفة جدا بتساعدك تفهم المنصة دي بتشتغل ازاي وكمان بتتابع من خلالها ايه أحدث ال Policies اللي هيستخدموها الفترة الجاية وازاي أنت تستفيد منها في شغلك.

• Facebook: FACEBOOK BLUEPRINT
• Twitter: Twitter Flight School
• Instagram: Instagram Help Center
• YouTube: YouTube Creators Academy

2. التسويق بالمحتوى أو ال Content Marketing:

ويعتبر أحد أهم الأدوات التسويقية اللي من خلالها تقدر تكسب العملاء وتبني معاهم Relationship قوية عن طريق إنك تكون بتقدم لهم كونتنت يفيدهم فعلا ويكون ظاهر فيه ال Value بتاعتك، والكونتنت ليه أنواع متعددة منها المقروء زي المقالات والكتب، ومنها المسموع زي ال Podcasts ومنها المرئي زي الفيديوهات والصور والانفوجرافيك.

أهم المصادر اللي تقدر تتعلم منها ال Content Marketing وترشيحنا الأول ليك هي مؤسسة Hubspot واللي تعتبر أحد أهم المؤسسات في مجال التسويق عالميا وتقدر تتابع المقالات من هنا أو تشوف الكتب المجانية بتاعتهم من هنا أو الكورسات (بعضها مجاني وبعضها مدفوع) من هنا

وده كورس مجاني (Content Marketing) 5 ساعات من ال Hubspot رشحناه ليك من هنا

3. التسويق عن طريق المراسلات البريدية (Email Marketing):

ويعتبر من أفضل طرق التسويق لأنك بتقدر توصل لعملاء فعلا مهتمين بيك وتكلمهم بطريقة مباشرة من خلال الميل الخاص بيهم واللي بيكون حصلت عليه بإرادتهم فبيكون التفاعل معاك ونسبة إنه يشتري المنتج أو الخدمة اللي بتقدمها عالية (High Conversion Rate)، والأسلوب ده يفضل استخدامه في حالات ال B2B وده لما يكون بيزنس بيسوق لبيزنس تاني مش بيسوق ل Customer.

من أهم المصادر اللي تتعلمها منه هو كورس ال Email Marketing من ال Hubspot وتقدر تشوفه من هنا.

4. التسويق عن طريق تحسين محركات البحث أو ال Search Engine Optimization (SEO):

وهو فكرة تصدر محركات البحث وتهيئة الموقع بتاعك داخليا وخارجيا عشان يظهر في نتائج البحث في الصفحة الأولى، وطبعا ده مهم جدا ليك لأنك من خلاله هتزود عدد الزوار للموقع بتاعك وبالتالي وصولك لشريحة أكبر من الجمهور المستهدف أو العملاء المحتملين، وده هيترتب عليه ازدهار للنشاط التجاري أيا يكن نوعه ايه.

وتقدر تشوف دليل محركات البحث للمبتدئين من جوجل من هنا.

5. التسويق عن طريق إعلانات جوجل (Google Ads):

وهو ببساطة ليه نفس هدف ال SEO وهو إنك تخلي الموقع بتاعك يظهر في نتائج البحث باستمرار ولكن الفرق هنا إنك بتدفع فلوس إنما في ال SEO فأنت بتدفع مجهود وبتاخد وقت طويل شوية عشان تتصدر محركات البحث.

لو هنرشح مصدر تتعلم منه هيكون عن طريق Google Skillshop من هنا.

لو وصلت لهنا ممكن تسأل نفسك سؤال مهم هو ايه أنواع الوظائف اللي ممكن أشتغلها بعد ما أدرس Digital Marketing.

أهم 10 وظائف في التسويق الرقمي (Digital Marketing):

1. Digital Marketing Manager
2. Content Strategist
3. Virtual Reality Developer
4. SEO and SEM Specialist
5. User Experience Designer
6. Data Analysts
7. Email Marketing Specialist
8. Internet of Things Marketing Specialist
9. Bot Developer
10. Social Media Marketer

وعشان مطولش عليك أكتر من كده تقدر تشوف المقال على UDACITY Blog من هنا

منصات مجانية لتعلم التسويق الرقمي (Digital Marketing):

1. وزارة الاتصالات المصرية مقدمة منحة ل 100,000 شاب مصري بالتعاون مع منصة UDACITY لاختيار دراسة مجال من 3 (Web, Data, Digital Marketing) وتقدر تشوف تفاصيل المنحة كاملة من هنا
2. منصة LinkedIn Learning: فتحت ال Digital Marketing Pathway عليها بالمجان لحد شهر مارس 2021 من هنا
3. مهارات من جوجل: أساسيات التسويق الرقمي بالعربي من هنا
4. منصة Marketing Institute: مقدمة 10 تخصصات الكورس مجاني بالكامل بالكتب اللي هتذاكر منها بالشهادة في الآخر من هنا

أهم 5 نصائح في طريقك لتعلم التسويق الرقمي (Digital Marketing):

1. لو شايف المصادر دي كتير، وهي كتير فعلا، فافتكر إنك مش مطلوب منك تدرس ده كله دلوقتي حالا، المطلوب فقط هو إنك تبدأ في واحد منهم بس.
2. اصبر وخلي نفسك طويل، وتذكر فليس المرء يولد عالما.
3. متنساش تاخد تدريب في شركات سواء متخصصة في التسويق (Agency) أو فيها قسم تسويق خاص بيهم، وده طبعا عشان تطبق اللي اتعلمته لأن التطبيق هيعلي من مهاراتك وهيثقل تجربتك وخبرتك.
4. اصبر وخلي نفسك طويل، فليس المرء يولد عالما.
5. وأخيرا لو المقال مفيد متنساش تشيره مع غيرك.

كتب المقال: يوسف فليفل

راجع المقال: عبد الرحمن أشرف